KALIBO, Aklan–Nakataeana nga magpagguwa it panibag-ong advisory ro Philippine Coast Guard (PCG)-Aklan angot sa pagbuoe it kanselasyon it pilang ka mga biyahe it saeakyang pandagat halin Caticlan paadto it Hambil ag Santa Fe, Romblon.
Raya hay kasunod it andang ginpagguwa nga Sea Travel Advisory kahapon bangud sa padayun nga pagpanaeasa it bagyong Florita sa pilang parte it nasyon ag ginpasaka nga gail warning it PAG-ASA sa kaeawran it probinsya.
Suno kay Coast Guard Ensign Eulogio P. Quinto III, Deputy Station Commander for Admin it CGS Aklan nga eauman eon ro pagpagguwa nanda it panibag-ong advisory angot sa uman nga pagresume it mga biyahe sa natungdan nga mga lugar ag sea sports activities sa isla it Boracay.
Ginlaygayan man kara ro mga pumueoyo nga magpabilin nga maging alerto ag perming magdahan.
