KALIBO, Aklan–Ginaduso makaron sa konseho ni Kalibo Sangguniang Bayan member Ronald Marte ro sangka resolusyon nga nagapadumdom sa mga telecommunication ag cable company nga ayuson ro mga nagabaeanggangat nga wirings nanda nga nakakabit sa mga poste it kuryente.
Suno kay Marte, bilang chairman sa committee on public utility and energy hay nataeopangdan nana ro mga spaghetti wires nga posibleng magatuga it aksidente engkaso nga masaeawig raya rason nga ginaproponer nana ro sangka resolusyon bilang pagpadumdom man sa mga kompanya nga kinahang-ean nanda nga ayuson ro andang trabaho agud nga makalikaw sa disgrasya.
Posibleng masaeawig it mga tawo nga nagatungtong sa truck ro wirings nga nagabaeanggangat ag engkaso nga mabugto raya hay pati motorista posibleng maaksidente.
Mataeopangdan nga waea-tuo ro mga nagabaeanggangat nga wirings it mga telcos sa banwa it Kalibo.
