KALIBO, Aklan–Gin-anunsisyo it gobyerno it Japan nga pagahaeugaan ro andang boarder measures ag guidelines para sa mga magasueod sa nasyon.
Pagasugtan eon ro mga dumueuo nga magasueod sa nasyon apisar nga raya hay owa nag-eakip sa guided tours apang kinahangean man sa gihapon nga maga-agi sa mga travel agencies nga maga-organisa sa andang mga schedule.
Suno kay Bombo International Correspondent Josel Palma it Japan nga paga-eauman ro bag-ong sueundanan sa masunod nga buean it Setyembre.
Kung siin umpisa sa Setyembre 7 ro mga indibidwal nga magasueod sa Japan nga nakabaton eon it tatlong doses it aprubadong COVID-19 vaccine ukon booster shot hay indi eon kinahaneang pang magpaidaeom sa pre-arrival PCR test.
Gin-anunsiyo man ni Prime Minister Fumio Kishida nga pagataasan man kara ro daily capacity it mga indibidwal nga maga sueod sa nasyon kung siin ro dating 20,00 capacity hay pagasakaon eon asta sa 50,000 nga indibidwal.
Raya hay bangud man sa apela it mga pilang ka negosyante sa guwa ag sueod it nasyong Japan nga haeugaan eon ro boarder controls it nasyon para pagasuportahan ro pagbangon it ekonomiya it nasambit nga nasyon.
Samtang, plano man it gobyerno it Japan nga paganabaan ro 10 nga adlaw nga self-isolation period para sa mga pasyenteng may sintomas it COVID-19 ag 7 adlaw eon lang para sa mga owa it sintomas nga nababatyagan.
