KALIBO, Aklan–Ginaeauman nga uman nga pagatalakayon sa masunod nga Annual General Membership Assembly (AGMA) it Aklan Electric Cooperative (Akelco) ro planong pagpasaka it 10 percent nga surcharge sa mga miyembro-konsumidor nga mapas-eawan nga makabayad sa tamang oras.
Gintawag ni Atty. Ariel Gepty, General Manager it Akelco nga sangka unfinished business ro ginproponer nga 10% surcharge bangud owa man it pinal nga aksyon ro mga member-consumer-owner.
Dapat sigon nga maging responsable ro kada indibidwal sa pagbayad sa andang bueanan nga obligasyon agud makalikaw sa penalidad.
Makabig sigon nga bukon patas para sa ibang mga miyembro-konsumidor it Akelco nga nagabayad sa tamang oras ro ginahimo it iba nga pagpabaya ukon owa eagi pagbayad.
Sa pihak nga parte, naga-abot eon sa P13.56 ro presyo it per kilowatt-hour it Akelco matapos raya nga magpatong it dugang nga 56 sentimos ko buean it Agosto.
