KALIBO, Aklan–Ginakabig ni Aklan first district board member Nemesio Neron nga welcome development ro naging resulta sa imbestigasyon it Senate Blue Ribbon Committee kon siin ginrekomenda it mga raya ro pagpasaka it administrative ag criminal charges kontra sa sangka Agriculture official ag tatlong Sugar Regulatory Administration (SRA) officials angot sa kontrobersyal nga Sugar Order No. 4.
Suno kana, makabig raya nga leksyon bangud nga inde dapat nga pangunahan ro lider it nasyon.
Nasayuran nga kaibahan sa mga ginapakasuhan sa Office of the Ombudsman sanday Agriculture Undersecretary Leocadio Sebastian, SRA administrator Hermenegildo Serafica, dating Sugar Board member Roland Beltran ag Sugar Board member Aurelio Gerardo Valderrama Jr.
Kaeakip man sa kasong kriminal nga ginpapasaka sa Ombudsman ro graft and corruption, agricultural smuggling ag usurpation of official functions.
May kaangtanan kara, ginapabutang man it komite sa watchlist it Bureau of Immigration ro ap-at nga akusado.
#ConsistentOverAllNumber1SaAklan
#BastaRadyoBombo
