KALIBO, Aklan–Owa it kinamatarong ro kongreso nga ipaiway ro eleksyon kundi ro Commission on Election (Comelec) eamang ro pwedeng magdesisyon angot kara.
Raya ro ginpaathag ni Atty. Axel Gonzalez, sangka batikan ag kilaea nga abogado sa Aklan kasunod it pag-apruba sa ikaywang pagbasa it House of the Representatives sa House bill 4673 nga tuyo i-reschedule ro Barangay ag Sangguniang Kabataan elections sa Disyembre 5, 2022 paadto sa Disyembre 04, 2023.
Suno kay Atty. Gonzalez, ro ginhimo it kongreso hay klaro nga pagbayolar sa regularidad it eleksyon sa idaeom it konstitusyon.
Nagapati man imaw nga personal nga motibo ro una sa likod it pagpaiway it eleksyon.
Sa pihak kara, mabahoe sigon ro posibilidad nga ma-postpone ro Barangay ag SK eleksyon bangud limitado eon lang ro nabilin nga oras para sa pagahimuon nga preparasyon it Comelec.
