KALIBO, Aklan–Ro rabies hay sambilog sa mga pinaka-delikadong viral disease nga nakakaapekto sa central nervous system it mga tawo.
Nagakalhit raya sa tawo sa pamaagi it angkit, kaeot ag eaway nga may una nga impeksyon.
Raya hay sakit nga pwedeng maisaylo halin sa sapat paadto sa tawo.
Suno kay Dr. Hygeia Laurei Fernandez, sangka Internal Medicine Specialist nga insigidang hugasan it sabon ro nina matapos nga maangkit it sapat nga may rabies.
Importante sigon nga banlawan it maayos ro nina kamana man nga butangan raya it povidone iodine.
Kinahang-ean man nga mag-adto sa ospital ag magpa-check up.
Maskin nga kumpleto sa bakuna ro ayam nga nakaangkit, dapat pa gihapon nga magpabakuna ro tawong naangkit it anti-rabbies vaccine.
Ro ibang biktima it angkit it ayam hay nagakinahang-ean it post exposure prophylaxis shots nga ginabilog it ap-at nga doses sa sueod it 14 diyas.
Base sa datos, 200 hasta 300 katawo sa Pilipinas ro nagakamatay kada dag-on bangud sa rabies.
