KALIBO, Aklan–Owa natyempo ro pag-adto ni Pangueong Ferdinand “Bongbong” Marcos Jr. sa Singapore para magtan-aw it Formula One grand Prix.
Raya ro pagpati ni Bombo International Correspondent Greg Aguilar it California, USA kasunod it pagkalhit it kontrobersyal nga mga litrato it pangueo samtang nagatan-aw it karera.
Suno kana, tanan nga presidente ag iba pang opisyal it gobyerno hay may kinamatarong nga magbaskasyon apang owa natyempo ro pagpanaw it pangueo bangud kakatapos eamang it pagpanaeasa bagyong Karding sa pilang parte it Pilipinas.
Kamana man nga owa pa eubusang nakabangon ro kaabuan sa mga biktima.
Sa pihak kara, sangka manami man sigon nga sensyales kung nakabuoe it bulig ro pangueo halin sa gobyerno it Singapore para mabuligan ro mga biktima it bagyo.
Nagapati man imaw nga manami nga makaangkon it mabakod nga relasyon ro Pilipinas sa Prime Minister it Singapore bangud sentro raya it investment fund sa Asya.
