KALIBO, Aklan–Uwa pa it dugang sa pamasahe sa mga multicab nga byaheng banwa it Makato to Kalibo vice versa.
Suno sa multicab driver nga si Leo Renacido, raya hay bangud nga uwa pa sanda it ginabuytan nga bag-ong taripa maghalin sa Land Transportation Franchising and Regulatory Board ukon LTFRB.
Maskin sigon nga may naunang anunsyo nga aprubado ro pagpataas it pamasahe sa mga public utility vehicles ukon PUV’s hay uwa pa sanda it maipakita nga dokumento sa mga commuters.
Bangud kara, nagapabilin sa P20 pesos ro pamasahe sa regular commuters samtang P18 pesos mat-a sa mga estudyante, senior citizens ag pwd’s.
Samtang sa pihak nga parte, tyempo eon suno kay Renacido nga magpataas it pamasahe bangud sa pagsaka sa presyo it produktong petrolyo ko nagtaliwan nga mga dinominggo.
Una pa gihapon kita sa pandemya rason nga medyo uwa pa sanda it masyadong kita nga ginauli sa andang pamilya.
