KALIBO, Aklan–Pagapabaskugon pa it Kalibo Municipal Agriculture Office ro monitoring ag quarantine checkpoint sa mga boundaries area pasueod sa banwa.
Raya hay kasunod sa ginapahayag nga kauna-unahang kaso it african swine fever sa Western Visayas nga nailista sa sangka farm sa syudad it Iloilo.
Suno kay municipal agriculturist Mr. Uriel Las Piñas, ginahueat pa it Iloilo Provincial Veterinary Office ro resulta halin sa Bureau of Animal Industry – Animal Disease Diagnosis and Reference Laboratory ro resulta it ginpadaea nga blood samples it mga baboy nga nakabatyag it sintomas it African Swine Fever.
Ginpaathag nga raya hay virus nga nagakalhit sa sapat rason nga kinahang-ean nga maging alerto kita ag imonitor it husto ro mga alagang sapat.
Nasayuran nga ro mga blood samples it mga baboy hay halin sa piggery sa banwa it Oton sa nasambit nga syudad.
