KALIBO, Aklan–Kumbinsido ro sangka batikang abogado sa Aklan nga kinahangean nga magpanaog sa pwesto si Justice Secretary Jesus Crispin “Boying” Remulla.
Raya hay kasunod sa pagka-aresto it anang unga nga si Juanito Jose Diaz Remulla III nga nadakpan it marijuana sa Las Piñas City ko Martes, Oktubre 11.
Suno kay Atty. harry Sucgang nga kawad-an it delikadeza engkaso nga magapabilin pa imaw sa pwesto.
Nagapati imaw nga indi makahimo it patas nga imbestigasyon samtang una imaw sa pwesto bangud nga ro tanan nga prosecutor hay una sa idaeum it anang pagdumaea.
Dugang pa nga ro kaso it anang unga hay owa it gintaeana nga piyansa.
Base sa report it Philippine Drug Enforcement Agency ukon PDEA, nadakpan it andang mga miyembro ro unga it DOJ chief matapos nana nga boe-on ro parcel nga may sueod nga sangka kilo nga “high-grade” marijuana ukon “kush” sa sangka baeay sa BF Resort Village nga ginatantiya nga nagabalor it masobra sa sang milyong piso
