KALIBO, Aklan–Nagapadayun ro paghuyap it Municipal Social Welfare and Development Office (MSWDO)-Kalibo sa mga residente nga apektado it pagbaha matapos ro pagpanaeasa it bagyong Paeng.
Suno kay Carla Suñer Doromal, Executive Assistant I to the Mayor, maabu pang pamilya ro presenteng nagapabilin sa evacuation center nga gintaeana it banwa matapos ro ginpatuman nga force evacuation sa mga residente nga naka-istar sa low-lying areas.
Raya hay matapos it ginpagguwa nga green alert status it MDRRMO-Kalibo.
Nag-umpisa sigon nga mag-aeabutan ro mga evacuees bandang alas-10:00 it agahon kahapon.
Kaabuan sigon sa mga raya hay ginsueang it MDRRMO kubulig ro iba pang law enforcement agency.
Angot kara, may pagaeauman sigon nga cash assistance ro mga apektadong residente halin sa pilang ka mga ahensya it gobyerno nasyonal.
