KALIBO, Aklan–Nabaton eon it Bureau of Fire Protection ukon BFP-Makato ro sangka unit it bag-ong Patient Transport Service Vehicle halin sa andang lokal nga gobyerno.
Suno kay FO3 Mark Alvin Patricio it BFP-Makato nga sa kamatuoran matapos ro pormal nga pagturn-over hay natigayon eon nanda raya nga nagamit sa pagresponde sa mga natabu nga insidente umpisa kahapon.
Pagagamiton ro nasambit nga service vehicle sa pagsabat sa vehicular accidents ukon anuman nga medical cases nga igapaabot kanda.
Nataw-an it katumanan ro pagbakae it saeakyan pinaagi sa sangka memorandum of understanding sa tunga it LGU-Makato ag BFP-Region 6.
Ro BFP Makato ro kauna-unahan nga nakaangkon it Patient Transport Service Vehicle sa bilog nga probinsiya it Aklan.
Mabahoe sigon raya nga bulig kumpara sa andang fire truck nga masyadong mabahoe.
Kaibahan sigon sa misyon it BFP ro pagresponde sa man-made ag natural nga disaster.
Pinaagi kara hay madugangan eon ro numero it mga magaresponde nga staff it emergency medical service ukon EMS halin sa municipal disaster risk reduction and management office ukon MDRRMO-Makato.
