KALIBO, Aklan–Naghinyu si malay sangguniang bayan member ag dating kapisanan ng mga brodkaster ng pilipinas ukon KBP-Aklan chapter president Alan Palma sa mga katapo it media nga indi paggamiton ro propesyon agud nga makapamentaha sa iba.
Raya hay may kaangtanan sa kaso it kontrobersiyal nga media personality nga si Carlo Asturias nga nagabaton it waea-tuo nga reklamo makaron bangud sa anang pagpangloko sa mga tawo nga anang gin-utangan.
Likawan sigon nga gamiton ro kasikatan ag media entity para sa personal interest.
Suno kay Palma nga gina-respeto nana ro naging tikang it aklan integrated media alliance sa pagdeklarang persona non-grata para sa kamaeayran it media community sa Aklan.
Nagaeaum imaw nga magaserbi raya nga leksyon sa mga mamamahayag ag kabay suno kana nga pirmeng protektahan ro dignidad nga indi mamanchahan.
Apang makabig sigon raya nga isolated case bangud nga pila eamang nga katapo it media sa aklan ro nagahimo it kabulastugan.
Samtang, ro KBP hay may ginasunod suno kana nga code of ethics agud nga may giya ro mga miyembro kon paalin nga maging professional sa trabaho.
Sa pihak nga parte, kasunod sa pagkapatay sa brodkaster nga si percy lapid ukon Percival mabasa matuod nga kabuhi, ginpahayag ni palma nga may ginaduso makaron nga laye sa kongreso para sa proteksyon it mga katapo it media.
Ginkalipay nana ro nasambit nga tikang bangud nga maka-alarma eon ro mga nagakatabu nga media killings sa nasyon.
