KALIBO, Aklan–Ginpangunahan ni Malinao Mayor Josephine Equiña ro pormal nga pagbukas it bag-ong patindog nga building it Malinao Municipal Police Station kahapon, Nobyembre 11, 2022.
Suno kay Mayor Equiña nga eubus sanda nga nalipay sa pag angkon it nasambit nga estasyon it pulisya.
Ginpamilit nana nga pinaagi sa bag-ong tukod nga building hay mapabakod kara ro relasyon it kada sanga it gobyermo para sa pagserbisyo sa publiko.
Gin engganyo nana ro tanan nga makipagbueuligan sa kapulisan agud nga maging mas malinong ro sangka komunidad ag eowas.
Nasayuran nga ko enero 2017 sa idaeum it pagdumaea ni dating Mayor Ariel Igoy, gin aprubahan ro sangka resolusyon nga nagatau it pahanugut sa alkalde nga mag-execute it deed of donation it 400 square meter nga eugta para sa philippine national police para sa construction it estasyon it pulisya.
Haeos limang dag-on sigon ro construction it building bangud sa pagtama it pandemya tuga it covid 19.
Samtang, naghinyu si Mayor Equina kay Congressman Ted Haresco it bag-ong patrol car nga magamit it kapulisan sa andang operasyon.
Mag-eowas kara, nakataeana man nga pagabutangan it dugang nga CCTV camera ag monitor ro bag-ong police station.
