KALIBO, Aklan–Nagapati si Aklan 1st District Congressman Carlito Marquez nga kueang ro gintaeana nga 2-bilyon pesos nga pondo para sa flood control projects it Department of Public Works and Highways (DPWH) para sa unang distrito it probinsiya.
Suno kana nga maabu nga mga imprastraktura ro nakaangkon it kahalitan sa naexperiensiyahan nga grabeng pagbaha tuga it bagyong paeng ko nagtaliwan nga buean.
Matapos makipagpueong sa DPWH-Aklan, nakapaguwa sanda it nasambit nga kantidad nga paga-gastuson sa nasambit nga proyekto.
Apang posible sigon raya nga pagakueangon bangud nga plano nanda nga iprayoridad ro mga nasamad nga revetment wall.
Ro nasambit nga pondo hay igaduso nana sa kongreso sa masunod nga dag-on agud nga maeakip sa 2023 national budget.
Sa pihak nga parte, ginpaabot ni Cong. Marquez nga kinahangean nga maging preparado ro tanan bangud nga ro mga nagakatabu makaron nga kalamidad partikular ro mabaskog nga bagyo ag baha hay tuga it climate change.
