LGU-Kalibo, ginkumpirma nga owa it igapatindog nga giant Christmas tree sa baylo hay sangka belen ro andang igabutang sa Kalibo Pastrana Park; opening of lights padayun nga eauman

KALIBO, Aklan–Ginkumpirma it lokal nga gobyerno it Kalibo nga owa sanda it igapatindog nga giant Christmas tree sa tunga it Kalibo Pastrana Park makaron nga dag-on.

Sa baylo hay sangka belen ro andang igabutang nga may nagkaeain-eain nga karakter ag  paiwag nga pwedeng maging atraksyon ag pamasyaran it mga pumueoyo.

Ginklaro ni Carla Suñer Doromal, Executive Assistant I to the Mayor nga may pagaeauman gihapon nga opening of lights sa palibot it Pastrana Park apisar nga owa eon  ro nakaangdan nga giant Christmas tree.

Posible sigon nga sa Disyembre 16 ukon 17 raya pagahiwaton.

Gusto sigon it bag-ong administrasyon nga mataw-an it highlight ro religious aspect it Paskwa rason nga nakaangkon it pagbag-o.