KALIBO, Aklan–Nasubuan ro Simbahang Katolika sa balita nga may kaeakip nga sugae ro operasyon it daywang ka mga peryahan sa banwa it Kalibo.
Suno kay Fr. Tudd Belandres, Parish Moderator it Saint John the Baptist Cathedral nga makabig eon nga sugae ro operasyon kung kwarta ro ginagamit nga premyo sa pilang ka mga hampang.
Masyado eon sigon raya nga maeayo sa nakaangdan nga porma it peryahan kung siin mga stuffed toy, pagkaon ukon gamit sa panimaeay ro ginatanyag nga premyo.
Medyo naduea eon sigon ro dating kultura kung siin ro katuyuan it pagtukod it perya hay para magtao it kalingaw ag kasadya sa mga pumueoyo.
Ginsuhestiyon ni Fr. Tudd nga dapat tutukan it lokal nga gobyerno ro operasyon it peryahan kamana man nga makaangkon it regular nga pagmonitor bangud sanda ro nagatao it permit.
Sa raya sigon nga pamaagi hay masiguro nga “for entertainment” eamang ro operasyon it peryahan.
