Gina-ekspektar eon it pilang ka mga sports analyst ro kadaeag-an it Argentina kontra kara sa Croatia kung siin nagtapos ro hampang sa score nga 3-0 pabor sa Argentina.
Apisar nga abanse eon ro Argentina owa gihapon sanda nagtao it kumpiyansa sa kontra karang koponan nga Croatia.
Suno kay Bombo International Correspondent Pinoy Gonzales it USA nga makit-an sigon sa naging hampang it Argentna ro ginpabalin karang hugot nga opensiba rason nga hasta sa ulihing minuto it hampang hay owa gid nakaeusot ro pagtinguha nga makapuntos it kontra nga team.
Makabig sigon nga ka-aeam ag grabe nga diskarte ro ginapatuman it Argentina sa naging hampang kara.
Apisar nga ginabilog sigon it mga maintok nga player ro Argentina eabi eon gid ro star player karang si Leonil Messi hay bukon raya it naging sabeag para maangkon ro kadaeag-an.
Pinaagi kay Leonil Messi ag Julian Alvarez hay abanse eon sa finals ro Argentina ag makasambuwa ro team nga magadaog sa tunga it defending champion France kontra sa Morocco.
