Padayon eamang sigon ro igapatuman it gobyerno nga blended learning para sa mga eskwelahan sa bilog ganasyon.
Gin-ako ni Vice President Sara Duterte nga malisod pa para maabot ro maeapnagon ag madasig nga internet connectivity sa mga eskwelahan sa bilog nga nasyon.
Ginpahayag pa it pangaywang pangueo nga handom it Department of Education (DepEd) nga mapabaskog ro sektor sa pamaagi it digitalization eabi eon sa learning methods.
Target man nanda ro pagpatuman it 1 is to 1 ratio sa educational devices ukon gadgets.
Apang mabahoe sigon nga hangkat para kara ro mga lugar nga indi maabot it signal ag mahina ro internet connection.
Bangud kara, igapabalin sigon ro “mixed” ukon blended ro edukasyon sa nasyon.
Ro in-person ag offline classes sa gihapon ro igapabilin sa nasyon para sa mga eskwelahan nga indi makasarang mag-upgrade ukon mag-install it internet.
Ginpasiguro man it bise presidente nga padayon nga magapaningasog ro DepEd nga pabaskugon ro education system, kadungan it mga pagbag-o sa teknolohiya sa tyempo it pandemya.
