Masarangan gihapon it mga Pinoy nga makaangkon it manami nga Noche Buena sa pihak nga may mga paghueag sa presyo it mga noche buena products.
Suno kay Grace Benedicto, Consumer Protection Unit it DTI Regional Office 6, nagpatuman it price adjustment sa mga produktong pang Noche Buena ro mga supermarkets ag iba pang baealigyaan apang sakto eamang man nga may ginansyahon ro mga negosyante.
Gin-insister kara nga base sa price guide nga ginpaguwa it ahensya nga masarangan gihapon it mga konsumidor nga makabakae it gusto nanda nga panghanda bangud nga may barato gihapon nga ingrediente nga mabakae kaparehas it ham, Quezo de Bola, Pasta, fruit cocktail ag maabong iba pa nga sueod sa price guide it DTI.
Sandig sa andang monitoring, haeos tanan nga mga supermarkets ag groceries store hay nagasunod sa price guide nga andang ginpaguwa ag uwa pa sanda it nasayuran nga nag-eabag kara.
Ginpahayag dugang nga price guide eamang ro pwede nanda nga maipaguwa sa Noche buena products bangud nga bukon raya it kaibahan sa basic commodities nga ro buot hambaeon hay bukon raya it sakop sa Suggested Retail Price ukon SRP.
Pinaagi suno kana sa price guide, makit-an it publiko ro mga noche products nga pwede nandang bak-eon depende sa andang budget, ag sa kalidad it produkto nga gusto nanda
