Hugot ro padumdom makaron it mga kapulisan sa publiko sa tyempo it kapskwahan nga maging mapagmatyag sa andang palibot.
Sa pag-umpisada it simbang gabi, ginpahayag ni PSSgt. Jane Vega, tagapaghambae it Aklan Police Provincial Office nga inde magsuksok it mga maeahaeon nga alahas ag inde magdaea it mabahoe nga kantidad nga kwarta bangud nga mainit raya sa mata it mga tikwian.
Ugalinon suno kana nga maging responsable sa mga kagamitan eabi eon kon nagapamaeak-on.
Ginpahayag dugang nga visible ro mga kapulisan sa mga matawo nga lugar kon sa siin pwede sanda nga makapaeapit sa oras nga kinahang-ean nanda ro bulig.
Nagapabilin nga naka full alert status ro bilog nga hubon it pulisya ag nakahaom sanda engkaso nga ipatuman it uman sa pambansang pulisya ro muscle gun taping.
Apang, sa mga nakataliwan nga dinag-on hay uwa man it nailista nga indiscriminate firing sa bilog nga probinsya it Aklan nga imbolbado ro miyembro it pulis
