gina-kwestiyon ni board member jay tejada ro timing ag ro motibo sa gulpiyadang pagpaguwa it report it Department of Environment and Natural Resources-Mines and Geosciences Bureau (DENR-MGB) Region 6 sa natukiban nga masobra sa 800 nga mga sinkholes sa isla it boracay.
Suno kay tejada nga dapat nga ro nasambit nga findings hay nag agi anay sa national office para sa validation agud nga sanda ro magapaguwa it official result it assessment sa natungdan nga local government units it aklan ag malay.
Tuyo kara nga magamit sa hazard mapping, kamana man sa pag-isyu it permit para sa pagtukod it mga buildings.
Madumduman nga ro nasambit nga balita hay nagkalhit pagkatapos it ginpatigayon nga press conference it DENR-MGB regional office.
