Ginapatihan nga magahina eon ro pwersa ag maganubo ro moral it grupong CPP-NPA-NDF kasunod it pagkamatay it andang founding chairman nga si Jose Maria Sison suno kay Atty. Flosemer Gonzales, tagapaghambae it national task force to end local communist armed conflict.
Ginpahayag dugang nga sa pagkaduea ni Sison hay magatapos eon man ro karahasan nga ginahimo it mga komunistang grupo bangud nga inde mag-untat ro gobyerno sa pagtugis sa mga raya agud nga makaangkon it kalinungan ro komunidad.
Sa pagdeklara it 10 days mourning it grupo kamana man ro nagahilapit nanda nga anibersaryo sa Disyembre 26 hay preparado ro mga otoridad sa posibleng karahasan nga andang pagatugahon bangud nga uwa pa namatay ro andang lider hay raya eon man ro andang ginahimo dati pa.
Apang, ginpasiguro ni Atty. Gonzales nga iya sa probinsya it Aklan hay nakahaom ro pwersa it gobyerno ag uwa pa it namonitor nga may mga hana nga paghueag ro nasambit nga grupo.
Nasayuran nga sa ibang lugar hay maabo eon nga miyembro it komunistang grupo ro nagsurender sa gobyerno bangud nga inde eon nanda matakuran ro pagpinanago sa kabukiran
