kumpiyansa ro malay tourism office nga maabot nanda ro target nga tourist arrivals sa isla it boracay nga 1.8 milyon sa pagtapos it 2022.
Suno kay Richan Casidsid, receptionists 1 it MTO nga sa makaron hay naga-abot eon sa masobra sa 1.6 milyon ro numero it mga nagbisita sa isla umpisa enero 1 hasta disyembre 18 , 2022.
Optimistiko ro taeatapan nga magapadayun ro momentum sa turismo sa boracay sa pagtapos it makaron nga dag-on ag sa masunod nga dag-on 2023.
Naga-average sa 4,000 ro tourist arrivals sa boracay kada adlaw
Gindugang pa ni casidsid nga ginapahauman eon nanda ro mas pang pagbuhos it mga turista sa paskwa ag bag-ong dag-on bangud nga natiempo ro mga raya sa weekend.
Samtang, ro south korea ro nagapangunang source market it foreign tourists sa isla bangud sa mga direct flights sa kalibo international airport halin sa Incheon nga may daily flights ag sumunod ro US , UK ag Australia.
Ginapatihan nga madayun sa disyembre 26 ro direct flight it sangka Taiwan airlines sa caticlan airport , apang ginahueat pa kara ro desisyon it provincial government nga nagpamaeabag sa nasambit nga plano.
Sa pihak nga parte, hugut nga seguridad ro ginapatuman makaron it kapulisan sa isla para sa proteksyon it mga bisita.
Nakaangkon suno kana it augmentation force agud nga mapakalhit ro kapulisan ag mabantayan ro haeos tanan nga matawong lugar sa Boracay.
