Kinahang-ean nga mabalanse ro ekonomiya it probinsya.
Raya ro naging panindugan ni Aklan governor Joen Miraflores kasunod it anang pag-oponer sa pagbaton it international flights it Godofredo P. Ramos Airport sa Caticlan, Malay.
Suno kana, matapos nga mabalitaan ro pagbaton it pamunuan it paeoparan it chartered flights maghalin sa Korea hay gilayon imaw nga naghinyo sa sangguniang panlalawigan nga maghimo it resolusyon agud nga mabatian ro limog it gobyerno probinsyal.
Ginpahayag dugang nga ro naumpisahan nga plano hay ro Kalibo international aiport eamang ro magabaton it mga international flights rason nga ginpaayos ro paeoparan agud nga makasunod sa standard.
Nagapanggutok eon sigon ro caticlan airport bangud nga nagaabot eon sa 42 flights kada adlaw ro nagahugpa sa nasambit nga paeoparan.
Kinahang-ean suno kana nga mabaeabagan ro plano it pribadong kumpanya bangud nga mag-eowas nga maisot ro paeoparan hay indi man kara masarangan nga mag-cater it maabong pasahero kaparehas makaron nga may mga reklamo sanda nga nababaton bangud sa decongestion.
