Ginpabugae it administrasyon ni Pangueong Ferdinand R. Marcos Jr. Ro naeagpasang revenue targets ag ginpangunahan ro pagpatupam it important grants ag technical assistance makaron nga 2022.
Sa anang year-end report, ginpahayag ni Department of Finance (DoF) nga ro presenteng revenue collections maghalin sa Bureau of Internal Revenue (BIR) ag Bureau of Customs (BOC) hay bumunae eon sa P3.2 trillion ag naeagpasan eon ro full-year 2022 Development Budget Coordination Committee (DBCC) target sa 2.2 percent.
Nagbulig man ro finance department sa facilitate sa pagpanupod it grants ag technical assistance nga nagabalor it ginatantyang $85.5 million ukon P4.7 billion.
Ro iba pang accomplishment it DoF para makaron nga dag-on ag kinakaeakipan it resolution sa tax incentives para sa business activities sa guwa it zone limits, commitment sa Extractive Industries Transparency Initiatives (EITI) ag ro revision it implementing rules and regulations (IRR) para sa Build-Operate-Transfer Law.
Para mat-a sa masunod nga dag-on, ro major activities it ahensiya hay ro rightsizing it DoF bureaucracy samtang ginatrabaho eon man ro pag-streamline sa organization atg ro pag-proseso para ma-maximize ro efficiency ag paggamit it public funds.
Target man it DoF ro pagduso sa key measures kaeakip eon ro Package 3 ag 4, Excise Tax sa Single-Use Plastics, Value Added Tax sa Digital Service Providers, Ease of Paying Taxes ag Mining Fiscal Regime.
Ginaeauman man it national government nga ma-secure sa masunod nga dag-on ro $19.1 billion ukon katumbas it kapin sa P1 trillion nga haega it official development assistance (ODA), $9.2 billion ukon P508 billion nga haega it loans maghalin sa multilateral development partners ag $9.8 billion ukon P541 billion loans maghalin sa bilateral lenders.
