Madahog eon makaron ro baealigyaan it mga prutas sa banwa it Kalibo pilang oras antes ro bag-ong dag-on.
Suno kay Ningning Nervar, sangka fruit vendor sa may Kalibo Public Market nga kumpara sa mga nagtaliwan nga dag-on hay mas madahog sa makaron ro baealigyaan it prutas.
Raya sigon hay bangud sa amat-amat eon nga pagbalik sa normal it palibot ag paghaeuga it mga sueundanan angot sa pandemya.
Apang kapin sa 150 hasta 200 pesos ro pagtaas it presyo kada kahon it mga prutas sa merkado publiko.
Nagakaubusan eon man sigon it mga stocks sa mga nagapangunang ginabakae nga prutas kapareho it mansanas, orange, peras ag ubas.
Bangud sa kamahae it ibang prutas hay puwede man sigon makabakae it tingi-tingi kung indi masarangan ro kada kilo it mga prutas.
Samtang, gina-eauman man nga mas pang magadagsa ro mga tawo makaron nga adlaw sa merkado publiko ag pilang mga baealigyaan it prutas sa banwa it Kalibo
