Na-iliher si Rep. Kevin McCarthy bilang US House speaker pagkatapos it maabong adlaw nga negosasyon ag 15 rounds of voting.
Ro nasambit nga election hay nagtuga it kinagamo sa Kamara, kaibahan eon ro sangka tumaeagsahon nga pag-atubang sa tunga ni McCarthy ag Rep. Matt Gaetz sa ika-14 nga round it botohan.
Raya sigon ro pinakamahabang “speaker contest” sa sueod it 164 years.
Nakahimu it kasaysayan si Democrat Rep. Hakeem Jeffries, nga naging unang Black lawmaker nga nagdumaea sa sangka partido sa Kongreso.
Nagpaabot man it anang pagtamyaw si US President Joe Biden sa kadaeag-an ni Speaker-elect Kevin McCarthy.
Suno kay Biden nga haom imaw nga makigbuligan sa mga Republican ag ginaeauman man kara ro mga Republican nga magiging haom nga makigbuligan kay Biden.
Makaron nga napagdesisyunan eon ri magadumaea it House of Representatives, tyempo eon man para mag-umpisa ro proseso.
