Gin-anunsiyo it Department of Transportation (DOTr) nga kasado eon ro masobra $6 million nga pondo nga pagagamiton para sa feasibility studies it railways projects it gobyerno.
Raya hay kasunod eon man it direktiba it Pangueong Ferdinand Marcos Jr., ko nakataliwan nga dag-on angot sa plano it administrasyon nga pagbuhi sa railway industry kaeakip kara ro kontruksiyon it Panay Railway, Bataan Railway ag North Long Haul Interregional Railway nga magakonekta sa Ilocos ag Cagayan paagto it National Capital Region.
Kadungan it paglunsar it Metro Manila Subway Project tunnel boring machine nga ginhiwat sa Valenzuela City, ginpahayag ni Transportation Secretary Jaime Bautista nga ro techinical studies para sa mga nasambit nga railways hay paga-umpisahan eon sa mga masunod nga buean.
Mag-eowas kara, ginpakigbahin it sekretaryo nga nakapag-secure eon man it mga pondo para sa feasibility studies para sa San Mateo Railway, the Northern Mindanao Railway, ag Philippine Transport System Master Plan.
