Ginpahayag it Department of Budget and Management (DBM) nga ro mga empleyado sa gobyerno hay magabaton it mas mataas nga suweldo umpisa makaron nga buean nga ulihing tranche it ginmandu nga pagtaas it suweldo para sa mga empleyado it estado.
Ginpahayag ni Budget Secretary Amenah F. Pangandaman nga nagkabisa ko Enero 1 ro ika ap-at nga serye it pagtaas it suweldo nga ginmandu it Republic Act (RA) 11466, ukon ro Salary Standardization Law of 2019.
Nagsalig sigon ro ahensya ro pinaka-ulihing pagtaas it suweldo ngara hay magapaugan ro epekto it inflation para sa mga empleyado.
Kung madumduman , ginpiyermahan ni Pangandaman ro daywang seperado nga Budget Circulars sa pagpatuman it ika ap-at nga tranche it Salary Schedule para sa mga civilian personnel ag local government unit (LGU) workers.
Ginasakop kara ro mga komisyon ag iba pang mga taeatapan kaibahan eon ro constitutional offices; state universities and colleges; government-owned ukon controlled corporations ag GOCCs branches.
Una kara, ginmanduan ni Pangueong Bongbong Marcos ro nasambit nga ahensya nga magpatigayon it sangka pagtuon para masiguro ro kompensasyon it tanan nga mga tawohan it sibilyan ukon empleyado hay nagakadapat para sa andang trabaho ag hieimuon.
