Nagapadyaon ro imbestigasyon it Federal Aviation Administration (FAA) sa natabo nga pagkansela it libo-libong flights sa sangka paeoparan sa Estados Unidos.
Suno kay Bombo International Correspondent Greg Aguilar, ginpahayag sigon it FAA “proceduarl error” nga may kaangtanan sa data file ro rason it major disruption sa andang airline operations nga nagtuga sa pagkadelay it kapin sa 11,300 flight.
Raya hay matapos nga uwa nakata-o it mga updated safety notices bangud sa pagkasamad it andang computer.
Ginpahayag ni Aguilar nga base sa ginpaguwang pahayag it FAA nga sa andang inisyal nga imbestigasyon hay natumod nga ro sangka data file hay nasamad it mga tawuhan nga uwa nagsunod sa mga procedures.
Sa makaron suno kana hay nagagana eon it maayos ro sistema rason nga balik eon sa normal ro andang operations.
