Kalinong ag katawhay it mga katawuhan sa bilog nga kalibutan ro naging handom ag pangamuyo it sangka deboto nga nagtambong it ginpatigayon nga pilgrim’s mass nga sambilog sa mga highlights it Kalibo Sr. Sto. Niño Ati-Atihan festival 2023.
Suno sa deboto nga si Jojo Salgado, tumandok it syudad it Iloilo apang nakapangasawa sa banwa it Kalibo nga dag-unan nanda raya nga ginahimo bilang panaad eon man sa Batang Hesus.
Uwa sigon ginakalipatan it anang pamilya nga magsimba ag magpaeapak bangud sa nakaangdan nanda raya nga debosyon kay Sr. Sto. Niño de Kalibo.
Ro andang panaad kada dag-on hay bukon eamang it para sa andang kaugalingon kundi para man sa ibang katawuhan nga maeampuwasan ro mga nagaabot nga problema ag maangkon ro kalinong sa tagsa-tagsa.
Nasayuran nga libo-libong mga deboto ro nagtambong sa pilgrim’s mass nga ginpangunahan ni His Excellency Most Reverend Jose Romeo Lazo, D.D Archbishop of Jaro, Iloilo
