Sangka ayam halin sa Ohio nga nakilaea kay Spike ro bag-ong na-sertipikahan bilang pinakamagueang nga nagakabuhi nga ayam sa bilog nga kalibutan it Guinness World Records matapos nga mag abot sa edad nga 23 anyos ag 43 diyas.
Ginpahayag it record-keeping organization nga si Spike nga haeos 9-inches eamang ro kataason nga chihuahua ro na-certified bilang oldest dog living ko Dec. 7.
Suno kay Rita Kimball, nagapanag-iya kay Spike nga nakita nanda it anang pamilya ro ayam sa parking lot it Camden grocery store may 13 anyos eon ro nagtaliwan.
Gindesisyunan ni Kimball nga daehon pauli ro ayam sa anang maisot nga farm kun sa siin madali nga naka-adjust ro ayam.
Ginpa-check-up nana raya sa veterinarian nga nagtumod nga ro posibleng edad ni Spike hay ko Nov. 10, 1999.
Ginpahayag dugang nga samtang nagatan-aw it TV show nga The Tonight Show with Jimmy Fallon, natukiban nana nga ro dating oldest dog nga nagakabuhi nga si Pebbles hay mas magueang pa si Spike.
Bangud kara, nag apply sanda sa Guinness rason nga ro ayam nga napueot eamang nanda dati hay sangka record holder eon makaron.
