Nagapati si House Ways and Means Chair ag Albay Representative Joey Salceda nga ro kaugalingon nga bersiyon ni Pangueong Bongbong Marcos Jr., it “Holiday economics” hay magapabaskog pa sa domestic tourism ag sa iba pa nga may kaangtanan sa sektor nga indi eubusan nga maapektuhan ro produktibidad it mga empleyado ukon ro gastos sa pagboue it mga empleyadong Pilipino.
Ro sueundanan ni Pangueong Marcos sa holidays hay nakapasueod sa Proclamation 90, nga ginpaguwa ko 2022, nga ginpatuman makaron nga dag-on.
Ginpahayag ni Salceda nga bilang resulta it nasambit nga polisiya ni Pangueong Marcos, makaangkon it 10 long weekends makaron nga dag-on nga mapabaskog pa ro domestic tourism eabi eon sa mga tawong ginatinguhaan nga mabawi ro mga eksperyensya sa panyempo it COVID-19 lockdown.
Gamit ro analysis of Input-Output tables it Philippine Statistics Authority, ginpahayag ni Salceda nga ro pagtaas it domestic tourism it 10% hay magadugang it haega sa iba pang mga industriya.
Sa pihak nga parte, nagpaandam man si Salceda nga dapat balansehon it holiday economics ro parehong paghimu it mas mahabang katapusan it dominggo nga indi magtaas ro numero it kabilugang mga holiday.
