Puwedi eon nga mabake sa mga merkado ro nag-abot sa nasyon nga unang batch maghalin sa masobrat 21,000 metrikong tonelada it sibuyas nga gin-import suno sa anunsiyo ng Bureau of Plant Industry (BPI).
Ginpahayag ni BPI Information Section officer-in-charge Jose Diego Roxas nga kapin sa 588 metric tons it sibuyas ro una sa cold storage facilities nga kung siin 218 MT kara hay dueaw nga sibuyas samtang kapin sa 370 MT mat-a ro pueang sibuyas.
Gina-eauman man nga maga-abot sa Enero 27 ro iba pang imported nga sibuyas kadungan it striktong pagpatuman it must-arrive deadline sa nasambit nga petsa bangud kung engkaso nga mag-abot it eagpas sa deadline hay pagabalikon ro mga imported onions sa ginhalinan nga nasyon.
Samtang ro mga importers mat-a sigon hay may nagakaigong penalidad sandig man sa sueundanan nga ginpasa may kaangtanan sa importasyon.
Gina-eauman nga makabaton pa ro nasyon it kapin sa 4,412 MT it imported nga dueaw ag pueang sibuyas antes ro deadline nga gintaeana it agriculture department.
Kung madumduman , gin-aprubahan it DA ro importasyon it masobra 21,000 MT it sibuyas sa tuyong masabat ro suplay gap ag mapanaba ro mataas nga presyo it sibuyas sa nasyon.
