Maegan, nagapanawagan sa amang si Freddie Aguilar nga magkaayos eon

Nagapanawagan si Maegan Aguilar sa anang ama nga si Freddie Aguilar nga magkaayos eon sanda, pilang dag-on matapos nandanga isapubliko ro problema sa andang pamilya.

Sa sangka programa, naging bukas si Maegan angot sa anang ama matapos nga nagpangayo it bulig agud nga eubusang magmayad sa sakit nga hyperthyroidism nga naging rason it anang pagniwang ag malnutrisyon.

Pag-aku ni Maegan, indi imaw makaeapit sa ama bangud bukon it maayos makaron ro andang relasyon.

Mag-euwas sa bulig para sa anang pagmayad ag malimpyuhan ro pangaean, hinyu man ni Maegan nga uman imaw nga mataw-an it kahigayunan nga makabalik sa showbiz.