Ginpamalibaran ni Justice Secretary Jesus Crispin Remulla nga ginaprotektahan nana si dating Pangueong Rodrigo Duterte maghalin sa uman nga pagbukas it International Criminal Court (ICC) nga imbestigasyon sa drug war it dating administrasyon.
Suno kay Remulla owa sigon it ginaprotektahan nga kahit sin-o man ro nasambit nga departamento.
Suno kana, kung may gusto sandang imbestigahan, puwedi nandang itao sa DOJ ro ebidensya, ag mismong departamento ro maga-imbestiga bangud sanda gidman ro nagapanabat para sa nasyon.
Sa pagpasugot sa uman nga pagbukas it imbestigasyon, ginpahayag it ICC nga sanda hay owa nalipay sa ginahimu it Pilipinas nga pagmandu it pagpaiway sa imbestigasyon it korte angot sa nasambit nga isyu.
Ginpahayag dugang man ni Remulla nga indi imaw magpanindugan sa anumang mga kalokohan nga may posibilidad nga magkwestyon sa soberanya it Pilipinas.
Ginpamalibaran man it Justice Secretary ro pakikipag-angot it anang departamento sa sabat ni Senador Ronald “Bato” Dela Rosa.
Nagserbi si Dela Rosa bilang hepe it Philippine National Police (PNP) tag maging presidente si Duterte ko 2016 ag ginpatuman ro drug war Oplan Tokhang it administrasyon.
Dugang pa kara , ro Pilipinas hay nag-atras sa Rome Statute, nga nagtukod it ICC, ko Marso 2019 sa payempo it Duterte administration.
Angot kara, sa listahan it gobyerno, indi magnaba sa 6,200 drug suspect ro napatay sa mga operasyon it pulisya umpisa ko Hunyo 2016 hasta Nobyembre 2021.
