Ipadayon it China ro pagtao it ordinary visa para sa mga Japanese Citizen apisar nga naghugot ro Japan maghalin sa mga traveller nga halin sa China, bangud sa padayon nga pagtaas it kaso it COVID-19.
Suno sa Chinese Embassy igapadayon nanda ro pagpaguwa bangud nakatutok ro andang nasyon sa pagbawi it ekonomiya bangud eon man sa sunod sunod nga pag-lockdown antes magtapos ro 2022.
Ginaprubahan man it China ro pagtao it pilang klase it visa sa mga Japanese ag South Korean citizen bilang mga exception nga ginhimu para sa mga diplomat, opisyal it gobyerno ag mga negosyante sa andang nasyon.
Samtang, ro tanan nga mga magabiyahe maghalin sa mainland China ag ro mga nagbisita sa nasyon sa suoed it pitong adlaw hay kinahangean magboue it PCR ukon high-sensitivity antigen test pag-abot sa Japan.
Ro mga nagpositibo hay dapat mag-quarantine sa sangka gintaeana nga pasilidad it hasta pitong adlaw.
Sa makaron , ro numero it mga bag-ong kaso hay nagnaba eon sa 15,000 umpisa ko nagtaliwan nga Lunes.
