Arestado sa ginkasa nga drug buy-bust operation ro sangka 42-anyos nga eaeaki sa may sitio Batwan, Mandong sa banwa it Batan kahapon bandang 12:42 it truadlaw.
Pinaagi sa gintingub nga pwersa it it Aklan Provincial Drug Enforcement Unit (PDEU)-Aklan ag Batan Municipal Police Station , madinaeag-on nga naaresto ro suspek nga si Joniel Bautista, 42-anyos ag residente it brgy. Odiong, Altavas.
Narekober sa posisyon ag kontrol it suspek ro 2 ka sachet it ginapatihan nga shabu kabaylo it P1,500 pesos nga marked money.
Suno sa Batan PNP nga mabuhay eon nanda nga ginamonitor si Bautista antes eubusan nga gin-aresto.
Nakataeana man nga igaipadaeom sa drug test ro suspek sa siyudad it Iloilo makaron nga adlaw.
Samtang, temporaryo man rayang nakakulong sa lock up cell it Batan Municipal Police Station.
