Resolusyon angot sa pagpanupod it mga bakanteng unit it pabaeay sa may Brgy. Briones, Kalibo, aprubado eon

Gin-aprubahan sa ginpatigayon nga session it sangguniang bayan ro ginaduso nga resolusyon ni Kalibo SB member Ketchie Luces angot sa pagpanupod it mga bakanteng unit it pabaeay sa may Brgy. Briones, Kalibo.

Ginpaboran sa plenaryo ro request it opisyal bangud nga haeos katunga ro uwa naokupahan nga mga unit sa nasambit nga pabaeay.

Maabo sigon ro nagakinahang-ean kara eabi eon ro mga una sa binit it baybayon.

Angot kara, ginpadaehan eon it notice ro mga identified tenants nga uwa gihapon naga-istar sa pabaeay.

Ro mga bakanteng units hay iga raffle it uman ag ita-o sa mas eubus nga nagakinahang-ean