Ginpaathag it Aklan Environment and Natural Resources Office ukon AKENRO nga maabong factor ro pwedeng maikonsidera sa likod it pagkasamad it karsadahon eabi eon sa ginareklamo nga provincial road sa Brgy. Bacan, Banga.
Ginpahayag ni AKENRO head John Kenneth Almalbis nga inde pwede direktang ibasoe sa mga dump truck nga nagahakot it gravel and sand maghalin sa quarry site ro pagkasamad it karsadahon.
Kapin sa 15 cubic meter ro gintaeana nga load capacity ag uwa pa sigon sanda it nataeopangdan ukon nadakpan nga nag-eabag kara bangud nga may naga-inspection man sa mga raya maghalin sa andang taeatapan.
Apela nana nga magbueoligan eon lang ro tanan ag ginsuhestyon kara nga maghimo eon lang it ordinansa ro banwa agud nga limitahan ro operasyon it quarry site agud nga malimitahan man ro pag-agi it mga daeagkong saeakyan sa nasambit nga karsada.
