Nakataeana nga magpasa it resolusyon ro sangguniang panlalawigan it Aklan sa igapatigayon nandang regular session sa adlaw it Lunes.
Raya hay agud nga suportahan ro House Bill 6041 nga ginaduso ni Aklan second district congressman Teodorico Haresco nga maging syudad ro banwa it Malay.
Ginpahayag ni Aklan first district board member Apolinar Cleope, chairperson it committee on laws, rules and ordinances it SP Aklan nga suportado nanda ro hagna it kongresista bangud nga ginatan-aw nga kwalipikado ro banwa it Malay nga maging syudad sandig man sa requirements nga nakabaehag sa laye eabi eon pag-abot sa land area, populasyon ag income.
Suno kana, re-filed eon sa kongreso ro nasambit nga hagna kon sa siin ginrefer sa committee on local governments.
Nasayuran nga sakop it Malay ro isla it Boracay nga nagata-o it mabahoe nga income sa provincial government.
Mabahoe nga development ag maabong benipisyo suno kana para sa probinsya it Aklan nga maging syudad ro banwa it Malay.
