-- ADVERTISEMENT --
Nag-abot sa P80 bilyon pesos ro natipon it mga miyembro it Pag-IBIG Fund ko 2022 pinaagi sa MP2 Savings it ahensya.
Suno kay Pag-IBIG Fund Chief Executive Officer Marilene Acosta, raya eon ro pinakamataas nga kantidad nga na-save it mga miyembro sa sueod eamang it sang dag-on.
Raya hay nagakahueugan nga nakaangkon it 25% ukon katumbas it 16.2 bilyon nga pagtaas halin sa P63.7 bilyon nga nailista ko 2021.
Samtang, ginpahayag man ni Secretary Jose Rizalino Acuzar, Head it Department of Human Settlements and Urban Development ag Pag-IBIG Fund Board of Trustees, bangud sa mataas nanda nga koleksiyon hay napabilin nanda ro manabang interes it mga loan programs it ahensya.
