Dapat nga umpisahan ro core discipline mismo sa sueod it eskwelahan ag igapatuman raya it eksakto it mga manugturo.
Raya ro panugyan ag naging reaksyon ni Kalibo sangguniang bayan member Augosto Tolentino kasunod it mga nataeopangdan nga eapnaag nga bullying sa mga kaparehong estudyante sa eskwelahan.
Suno kana, kinahang-ean nga sa pag-umpisa it klase hay may breifing nga ginahimo ro mga manugturo angot kara agud nga masayuran insigida it mga estudyante nga may nagakaigong penalidad nga pagaatubangon ro mga maimbolbar sa bullying.
Angot kara, panugyan dugang ni Tolentino sa mga pamatan-on nga mag-eskwela it husto bangud nga raya hay igakalipay it mga ginikanan.
Mag-eowas kara, mataw-an nanda it manami nga bwas-damlag ro andang mga kaugalingon bangud nga mabahoe ro maibulig sa pag-usoy it trabaho sa ulihing inadlaw kon ikaw hay nakatapos sa pag-eskwela.
