Pabor si Pangueong Ferdinand “Bongbong” Marcos Jr., sa ginaduso nga proposed bill ni Albay Representative Joey Salceda nga magpatong it wealth taxes sa mga ginatawag nga super rich nga indibdwal para ma-address ro economic inequality.
Suno sa pangueo, indi man sigon maaapektuhan kara ro mga ordinaryong mga Pilipino rason nga okay eang nga ipatong ro consumption taxes sa mga luxury goods.
Suno kay Salceda nga principal author it House Bill No. 6993, makakolekta ro gobyerno it 15.5 bilyong pesos kada dag-on kon mapasaka ro luxury taxes halin 20 percent hasta 25 percent.
Ro nasambit nga mga non-essential goods hay mga maeahaeon nga relo, saeakyan, private jets ag residential properties nga masobra sa 100 milyong pesos.
Maskin ro mga beverages nga masobra sa P20,000 pesos ag leather goods nga nagabalor it masobra sa P50,000 pesos.
