Agud nga masiguro ro kaeowasan ag seguridad it mga magatambong sa meet and greet ni Pangueong Ferdinand Marcos Jr. sa filipino community sa Japan sa domingo nga adlaw, gin-implementar it Embahada ro pre-registration system agud nga ma-kontrol ro numero it mga tawo sa event.
Suno kay bombo international correspondent joyce Villanueva ogawa, sangka akeanon ag lider it Filipino community sa Japan nga matapos buksan sa publiko ro anunsyo hay maabu ro nagpahayag it interes nga magatambong.
Magapatuman suno kana it first come , first serve basis agud nga indi maggutok sa venue nga may kapasidad eamang nga 1,500.
Maga-umpisa ro programa bandang alas-9 it agahon ag magatapos it alas-12:00 it udtro adlaw.
Madumduman nga umpisa makaron nga adlaw , Pebrero 8 hasta Pebrero 12 hay magapatigayon it official working visit ro pangueo sa Japan.
Ginaeauman nga makikipagkita si Pangueong Marcos kay Japanese Prime Minister Fumio Kishida sa anang 4-day working visit sa nasambit nga nasyon.
Ginpahayag ni ogawa nga ginaeauman nga ro pagahimuon nga official visit it pangueo sa Japan hay maka-engganyo it dugang nga investment ag makaangkon it mas maayos nga relasyon sa tunga it daywang nasyon .
