Nakaangkon it pagpueong sanday Pangueong Ferdinand “Bongbong” Marcos, Jr. ag Japan Bank for International Cooperation (JBIC) Governor Tadashi Maeda.
Pag-abot eagi it Pangueo sa Japan, para sa anang five day official working visit, insigida rayang nagtambong sa sangka dinner-meeting nga gin-organisa it Mitsui & Co. and Metro Pacific Investments Corporation.
Sa naging mensahe it Pangueo gin-engganyo kara ro mga kumpanya sa Pilipinas ag Japan nga mas pangpabaskugon ag papag-unon ro andang relasyon pag-abot sa trade and investment.
Kaibahan sa delegasyon it Pilipinas ro mga tag-iya it mga mabahueang kumpanya sa nasyon.
Maging ro mga economic managers it Pangueo.
Ginaeauman nga maka-engganyo ro Pilipinas it mas maabong agri-business investments maghalin sa Japan.
Una eon nga ginpahayag it Pangueo naga ro andang biyahe hay magabukas it mas maabong agri- business market sa ” Land of the Rising Sun.”
Nakateana sigon nga magpirma ro Pilipinas ag Japan sa sangka kasugtanan angot sa agricultural cooperation.
Ro Japan ro naga-isaeahanon nga nasyon kung siin ro Pilipinas hay may una nga bilateral free trade agreement nga ginatawag nga Japan-Philippines Economic Partnership Agreement.
