Gin-anunsiyo it White House nga may una sandang ginpabagbag nga sangka klase it “high-altitude object” nga nagalibot sa Alaska.
Ginpahayag ni National Security Council coordinator for strategic communications John Kirby nga ro kapareho sa sangka maintok nga kotse it eagko ro nasambit nga ginpabagbag nandang bagay.
Mismo sigon nga si US President Joe Biden an ro nagmandu nga pabagbagon raya ag indi matumod kung siin raya maghalin.
Dugang pa ni Kirby nga ro nasambit nga bagay sigon hay naga-eupad it hasta 40,000 ft nga nagtuga sigon it kabaeaka sa pampasaherong eroplano.
Gumamit ro US it andang F-22 jet para mapabagbag ro nasambit nga indi matumod nga bagay.
Nagbagbag raya sa kaeawran ag mas maintok raya kumpara sa ginadudahan nga spy balloon nga maghalin sigon sa China.
