Filipino Chinese Chamber of Commerce, gindayaw ro  tikang it Marcos administration sa pagpa-umwad it  ekonomiya it nasyon

Epektibo ro mga ginapatigayon nga tikang ni Pangueong Ferdinand R. Marcos Jr. sa pagpa-umwad it  ekonomiya  it nasyon.

Raya ro ginpahayag ni  FCCC member nga si Wilson Flores.

Manami sigon ro ginapakita  it Pangueo sa anang  mga nagtaliwan nga state working visits bangud sa  maayos karang pag-atubang  sa mga world economic leaders ag maayos nga pag presenta sa nasyong Pilipinas  para mabuhusan it mga investor maghalin sa nagakaeain-eain nga mga nasyon.

Dugang  pa ni Flores nga nagapasaeamat ro Filipino-Chinese business community sa nagiging daeagan it  ekonomiya  it nasyon makaron nga dag-on bangud  sa ‘very optimistic’ nga estado kara.